CEBU – Gibana-bana nga mukabat sa tulo ngadto sa upat ka truck sa basura ang nahipos sa mga sakop sa Department of General Services sa dakbayan sa Mandaue sa North Reclamation Area.
Kini ang gipahibalo ni DGS head Engr. Marivic Cabigas, subay sa gipahigayon nga CEBOOM People’s grand rally kagabii.
Una niini, daghang mga post sa social media kung diin makita ang mga nagpasad nga mga basura sa area kaganihang buntag.
Daghan sa mga netizens ang misaway gumikan sa kadugay sa pagkuha sa mga basura.
Sa wala pa ang pagpanghipos sa DGS kay ubay-ubay sa mga pribado nga kompanya, ingon man usa ka pribado nga unibersidad ang miboluntaryo sa pagpanghipos sa mga basura sa maong venue.
Samtang, gitataw usab ni Cebu City Department of Public Service head Atty. Jigo Dacua, nga wala sila mamili ug wala sila mamolitika, matud pa, wala hiposa sa iyahang mga sakop ang maong mga basura, gumikan kay hurisdiksyon naman kini sa dakbayan sa Mandaue.
