Samdan ang 45 ka mga tawo human sa dakong pagbuto sa usa ka gasolinahan sa suburb sa Roma, diin duha kanila nakaangkon og grabe nga angol, ug nakaguba sa mga bintana sa kaulohan sa Italya.
Matud sa taho nga anaa na sa lugar ang emergency services human ang usa ka tanker nga trak naigo sa usa ka tubo samtang nagmaniobra, hinungdan sa usa ka gas leak ug mas gamay nga pasiunang pagbuto.
Wala magdugay, usa ka ikaduha, mas dako nga pagbuto ang miuyog sa lugar human sa usa ka sunog, nga nakaangol sa 45 ka mga tawo lakip ang mga opisyal sa pulisya, sumala sa kapulisan.
Ang footage sa pagbuto nagpakita sa usa ka higanteng bola sa kalayo ug baga nga itom nga aso nga mipuno sa kalangitan, uban ang pagbuto nga gikataho nga nadungog sa tibuok siyudad, nga miguba sa duol nga mga bintana ug mga building.
Nibista si Rome Mayor Roberto Gualtieri ang gibilin nga kadaot sa sunog ug nipaambit sa mga media outlet nga ang
pagbuto nakahatag og dako nga kadaot”ug nakaangol sa mga residente ug labing menos 21 ka mga emergency service workers lakip ang mga pulis ug bombero.
Diin duha ka mga lalaki ang anaa sa talandugon nga kahimtang human nakahiagum og dagkong mga paso – lakip ang usa ka tawo nga gikataho nga gibira sa mga rescue team gikan sa usa ka nagdilaab nga awto.
Samtang, gipaabot usab sa Prime Minister sa Italy nga si Giorgia Meloni nga hugot nilang gibantayan ang gas station ug ang mga nakaangkon og mga paso.
