LAPU-LAPU CITY, CEBU-Napalgang wala nalay kinabuhi ang usa ka 60-anyos nga ginang sulod sa panimalay niini sa Purok Beauty in the Sky, Barangay Babag sa dakbayan sa Lapu-Lapu niadtong Sabado, Pebrero 1, 2025.
Ang patayng lawas sa biktima kay na diskobrehan sa iyang anak nga mibisita sa dihang ang ulo niini kay nakaputos pa og plastic bag ug aduna pay gidudahan samad-dinunggaban sa bukton.
Matod pa ni Police Lt Col Christian Torres, ang tigpamaba sa Lapu-Lapu City Police Office (LCPO) nga sa ilang nasugdan nga imbestigasyon kay ilang gipanglantawan ang posibilidad nga ang tiguwang nga biktima kay gikawatan una gipatay.
Natumbok kini human nasayrang s mga awtoridad ang sakyanan sa biktima sa iyang balay og ang kwarta pud niini.
Nakit-an nalang sa mga sakop sa LCPO ang sakyanan niini nga nakapark sa doul nga tugpahanan (airport).
Gikatahong usa ka manindahay og karne sa public market sa maong dakbayan ang biktima nga maoy panginabuhian niini.
Sa pagkakaron, aduna nay natumbok nga person-of-interest ang kapulisan sa maong krimen diin nasuta pud nila nga giparking ang sakyanan sa biktima sa airport aron lang ipahisalaag ang imbestigasyon sa mga awtoridad.
