Namatay ang labing menos walo (8) ka mga personahe sa Lebanese State Security human sa sunod-sunod nga mga airstrike sa Israel sa habagatang siyudad sa Nabatiyeh niadtong Biyernes, Abril 10, 2026, sumala sa opisyal nga media sa Lebanese.
Sumala sa usa ka report sa National News Agency nga gipadagan sa estado, ang “enemy warplanes” nagpahigayon og grabeng mga pag-atake sa siyudad, lakip ang usa ka pag-atake duol sa usa ka government building nga miigo sa opisina sa Lebanese State Security.
Dugang pa, nga gikatahong nakita usab sa usa ka photographer ang dakong kadaot sa lugar, samtang ang kalayo nagpadayon sa pagkaylap sa dapit sa insidente.
Gikataho nga nagpadayon ang pagpamomba sa Israel sa Lebanon, ingon man ang krisis sa Strait of Hormuz, usa sa mga nag-unang ruta sa suplay sa lana sa kalibutan, nga nagpalala sa krisis sa enerhiya sa kalibutan.
Bisan pa sa anunsyo sa ceasefire, ang sitwasyon sa Middle East nagpabilin nga dili lig-on samtang ang pagbasol ug pag-atake nagpadayon taliwala sa mga nag-unang nasud ug mga grupo nga nalambigit, lakip ang Hezbollah.
