CEBU CITY– Padayong gisuta karon sa kapulisan ang motibo sa pagpamusil sa usa ka lalaki atubangan sa iyang asawa og apo human nga mi-attend og hearing sa may Mantawi Avenue, Barangay Tipolo, dakbayan sa Mandaue kagahapon sa hapon.
Naila ang biktima nga si Teodoro Mejares, 53 anyos ug residente sa Barangay Casili, lungsod sa Consolacion.
Basi sa imbestigasyon nga naghuwat na unta og masakyan ang biktima gikan sa hearing kauban ang iyang asawa nga giilang si Gina ug 7 anyos nga apo niini.
Apan kalit matud pa nga gihunungan kini sa duha ka lalaking nakabonet, nagsakay sa motor ug gipusil sa makadaghang higayon.
Natusak-tusak sa bala ang lawas sa biktima hinungdan nga patay kini diha-diha dayon.
Nasuta nga ang hearing nga gitambungan niini ang kalabot sa kasong illegal possession of firearms and ammunition.Nakasuhan kini niadtong 2017 apan nakapiyansa.
Samtang gisuta pa usab karon ang kahimtang sa 7 anyos nga bata nga nakasaksi sa maong panghitabo kung ipaubos ba kini sa stress debriefing
