200 ka mga mamuwangay gipadlock-an sulod sa buwangan sa Mandaue, Cebu human gironda sa CIDG-7

CEBU CITY-Natanggong ang halos 200 ka mga tawo sulod sa usa ka buwangan sa Brgy. Ibabao-Estancia, sa dakbayan sa Mandaue, Cebu human sila gironda sa mga sakop sa Criminal Investigation and Detection Group (CIDG)-7.

Base sa pagpakigsusi sa mga otoridad, mipahigayon ang maong sabungan og buwang matag adlaw bisan pa man ug nakalapas kini sa ilang gihuptan nga permit.

Gitataw sa CIDG-7 nga matag Dominggo lang ipahigayon ang pagpamuwang ubos sa Presidential Decree 449.

Nasakmit sa mga otoridad ang mga manok ig-tatari ug kwarta nga ipustahay gikan sa mga nanugal.

Nasayran nga mi-apas na lang ang mga asawa sa mga namuwang human nga gi-padlock sa kapulisan ang buwangan tungod sa kadaghan niini sa sulod ug wala na makauli pa sa ilahang pinuy-anan.