CEBU CITY — Mukabat sa P9.2 million nga kantidad sa shabu ang nasakmit sa San Nicolas PNP atol sa gipahigayon nga buybust operation sa Sitio Mahayahay Brgy. Calamba, niining dakbayan.
Sikop ang usa ka High Value Target nga gitago lamang sa kapulisan sa pangalan nga ‘George’.
Matud ni Police Major Kenneth Albotra ang hepe sa San Nicolas PNP nga 15 anyos pa lang ang maong HVT ug ang amahan niini anaa sa New Bilibid Prison.
Duha ka semana nila kini nga gi-surveillance apan basi sa ilang impormasyon taud-taud na kini sa iyan iligal nga transaction.
Ang pamaagi matud pa niini sa pagdispose sa shabu ‘tawagay’ lang sa celphone.
Dili matud pa kini mukumpyansa sa text lang hinungdan nga tawagan lang matud pa kini kung dunay transaction.
Padayon usab ang ilang imbestigasyon sa pagsuta kung asa gikan ang shabu.
Nakuga sa subject ang 1.4 kilo nga shabu nga dunay DDB value nga P9,250,000.
Kasong kalapasan sa iligal nga drogas ang ipasaka sa minor de edad nga posibleng i-detain sa operation second chance facility.
