CEBU CITY — Giklaro sa Land Transportation Office (LTO)-7 nga na-deputize na ang tanang mga sakop sa Traffic Police Unit sa Cebu City PNP alang sa pagsita sa mga operators sa construction ug heavy equipment nga magbyahe sa dalan.
Kini ang gibutyag ni LTO-7 Director Victor Caindec human makadawat og suwat gikan sa Cebu City Government mahitungod niini.
Nasayran nga mipadala si Cebu City Mayor Edgardo Labella og suwat aron awhagon ang LTO ug ang Cebu City Transportation Office alang sa pagsumpo sa illegal activities sa mga construction mixer ug heavy equipment operators.
Matud ni Caindec nga nahatagan na og TOP o Temporary Operator’s Permit ang mga sakop sa traffic police aron sa pagsita sa mga badlungong operators.
Giklaro ni Caindec nga kinahanglan pang mag-secure ang mga heavy equipment og special permit sa LTO aron makadagan sa dalan ug dili madakpan.
Dugang pa niini nga dili na kinahanglang i-register ang nahisgutang mga ekipo sa pag-construct.
Gibutyag usab ni Caindec nga kun ugaling kuwang ang enforcement side sa LTO, ila ihatag ang responsibilidad ngadto sa mga traffic operators sa Cebu City PNP.
