CEBU CITY-Gilamuy sa kayo ang duha ka panimalay sa Nening’s Compound, Barangay Tisa, dakbayan sa Sugbo, human nga mi-ulbo ang sunog pasado alas 11 kaganihang buntag.
Gisaysay ni SFO2 Hermes Molina, ang Cebu City Fire Investigator, nga nagagikan ang sunog sa panimalay ni Claros Sanchez ug nalakip ang tupad nga panimalay nga gipanag-iya ni Alili Narandan, ingun man nga adunay usa ka taxi nga partially burned.
Matud pa sa fire investigator nga basi sa ilahang pakighinabi ni Sanchez giingung mihimakak kini nga adunay nabiya-an nga gadget nga nakasaksak ang wala ma-ibot.Nasayran nga walay tawu ang maong panimalay sa dihang mitumaw ang sunog.
Subay niini, padayon ang imbestigasyon sa kabomberohan sa hinungdan sa kalit nga pag-ulbo sa kayo.
Gibana-bana nga mikabat sa P20,000 ang danyos sa maong sunog ug gipasaka lang kini sa second alarm. Hinuon, wala may natala nga samdan o namatay subay sa maong sunog.
