CEBU CITY-Gi-angkon sa usa ka vendor ug usa ka PWD nga si Angie Dela Cerna nga mahulog nga daw sama nga gipa-abangan niya ang iyang pwesto sa Night Market.
Kini human migawas ang issue ang duna’y mga sidewalk vendors nga maoy gitagan-an og pwesto sa night market apan gipamaligya hinoon ang pwesto niini butang nga gikasuko usab ni Cebu City Mayor Edgar Labella.
Apan miisplikar si Dela Cerna nga kini tungod kay wala siyay puhunan human usab nga mihangyo na siya sa mayor nga dili siya haom sa night market gumikan sa iyang kakulian sa panglawas apan wala matud pa siya gipaminaw.
Hinungdan nga ang iyang gibuhat, duna siyay pabaligyaon sa iyang pwesto ug magtunga nalang sila sa halin ilabina kay ang iyang bana gi-atake usab sa sakit ug nanginahanglan siya og kwarta.
Apan gitataw niini nga duna’y mga namaligya gyud sa night market nga wala nalakip sa clearing operation ug wala nag-abang sa mga pwesto ang mga nakasulod.
