CEBU CITY-Gimando ni Cebu Governor Gwendolyn Garcia nga ipaubos sa quarantine ang mga pasaherong muabot sa Cebu gikan sa China sulod sa 14 diyas.
Kini suba sa una’ng natalang kaso sa 2019 novel corona virus sa Pilipinas kung diin nataptan ang usa ka 38-anyos nga babae’ng gikan sa Wuhan City, China.
Gitoohan nga mibiyahe sa Cebu ug Dumaguete ang naasoy nga Chinese-national.
Hinungdan nga nanawagan usab si Lapu-Lapu City Mayor Junard “Ahong” Chan sa Department of Health (DOH)-7 nga sutaon ang naasoy nga sitwasyon
Matud ni Chan nga nabalaka ang iyang mga ginsakopan hinungdan nga kinahanglan pahugtan sa sa DOH-7 ang ilang pagbantay sa sitwasyon aron dili matakdan ang iyang mga konstituwente.
Hangyo usab karon sa mayor ngadto sa Mactan-Cebu International Airport (MCIA) nga hingpit na nga isuspenso una ang mga flights gikan sa China.
Sigon usab ni DOH-7 Director Jaime Bernadas nga makig-alayon sila sa mga concerned agencies aron makakuha og impormasyon kalabot sa nahimong biyahe sa naasoy nga babae’ng Chinese.
