CEBU CITY– Gitataw ni Cebu City Mayor Edgardo Labella nga nakapalit na ug 20 mil ka mga testing kits ang kagamhanan sa dakbayan sa Sugbo kung diin ibutang kini sa Regional Monitoring Center sa Sugbo nga mao ang Vicente Sotto Memorial Medical Center(VSMMC).
Subay pa ni Labella nga ang Cebu City maoy labing una nga Local Government Unit (LGU) gawas sa National Capital Region(NCR) nga nakabaton sa naasoy nga mga kahimanan.
Gamiton ang mga kits alang sa mga pasyente o mapaubos sa quarantine kinsang makitaan ug Influenza Like Symptoms(ILI).
Sa kasamtangan , human mi-abot na ang 20 mil ka mga kit, lauman nga karong adlawa muabot usab ang lain pang 10 mil ka mga testing kits.
Dugang pa sa mayor nga gihimo nila ang maong lakang isip tipik ug kabahin sa gipahugtang preparasyon aron mapabili’ng COVID-19 free ang dakbayan sa Sugbo. | By Eric Amaro
