Gi-angkon sa kapitan sa Brgy. Ermita, Cebu City nga wala kini naglisud sa pagpatuman sa curfew tungod kay misanong ang ilang mga residente.
Kini agi na og pagsanong sa kamanduan sa Cebu City Government nga ipatuman ang curfew matag 8:00 sa gabii hangtud 5:00 sa buntag ubos sa general community quarantine batok sa coronavirus.
Matud ni Kapitan Mark Miral nga dili gayud kalikayan nga magtagu-tago ang mga batan-on kung magpatrolyar sila.
Hinungdan nga ilang silotan ang mga menor de edad og mga military punishments sama lang sa push-ups, sit on the air, ug uban pa.
Samtang isyuhan og citation ticket ang mga motubag-tubag kanila ug mga indibidwal kinsang giingong “suhito na sa balaud.”
Apan sa gihapon nahimong hapsay ang pagpatrolyar sa panahon sa curfew tungod kay mikuyog usab ang mga sakop sa kapulisan. (gn)
