CEBU CITY — Nadugangan og usa ang kasamtangang ihap sa mga nataptan sa makamatay nga COVID-19 sa Central Visayas diin anaa na karon sa 36.
Sa situational report gikan sa Department of Health (DOH)-7, nagpositibo sa maong sakit si Patient number CV-36, usa ka 68-anyos nga lalaki ug taga-Cebu City.
Anaa karon sa 23 ang ihap sa mga nagpositibo sa makamatay nga virus sa dakbayan sa Sugbo.
Tulo usab ang kaso sa COVID-19 sa Lapu-Lapu City ug duha sa Mandaue City.
amtang nagpabilin sa upat ang kaso sa COVID-19 sa Negros Oriental, tulo sa Cebu Province, ug usa sa Bohol.
Sa laing bahin, nadugangan na og unom ang mga pasyente nga COVID-free diin nagagikan ang lima niini sa dakbayan sa Sugbo ug usa sa Mandaue City.
Nagpabilin sa walo ang ihap sa mga namatay sa maong makamatay nga virus.
Nagkanayon karon si DOH-7 Director Dr. Jaime Bernadas, nga nagmadasigon ang ahensya sa pagpaningkamot aron makontrolar ug ma-contain ang makamatay nga sakit.
