CEBU CITY — Uyon ang mga kadagkuan sa Simbahan Katolika sa bag-ong mando sa Cebu City Goverment sa pagpasirado sa mga sam-ang ug menteryo nga sakup sa syudad sa adlaw sa patay.
Nagkanayon si Msgr. Joseph Tan, ang media liason sa Archdiocese of Cebu, nga nausab na ang lakang sa kinabuhi nga natagamtaman sa mga tawo karon panahon sa pandemya.
Matud pa sa monsignor nga kung nakasirado ang simbahan sa adlaw sa diyos tungod sa hulga sa COVID-19, mahimo usab kini sa adlaw sa mga patay.
Hangyo nalang niini sa mga tumutuo nga mobisita nalang sa mga sam-ang ug menteryo sa tunga-tunga sa buwan sa Oktubre o ang tibuok buwan sa Nobyembre arun dili magpunsiksok ang mga tawo.
Gihimug-atan usab ni Monsignor Tan mas maayo nalang nga mosimba og kaysa sa moduaw sa sam-ang.
Pagtataw pa niini nga makasabot ra ang mga kabanay nga mitaliwan na sa kinabuhi nga dili makabisita tungod sa COVID-19.
Kung diin mas bililhon usab ang pagpamisa ug pag-ampo alang sa hingpit nga kalinaw sa mga mitaliwan.
Nalakip usab sa punto sa monsignor ang bag-ong advisory sa Catholic Bishop Conference of the Philippines nga ang pag-ampo sa menteryo ug pag-ampo sa simbahan kay pareho lang.
Mitambag ang archdiocese nga mas maayo na lang ang mosimba ug i-ampo sa panimalay ang mga gihigugma sa kinabuhi nga mitaliwan na. /EKP/GN
