CEBU CITY — Gi-angkon ni Cebu City Councilor James Cuenco nga usa ka dakong hagit ang pagtahas kaniya ni Cebu City Mayor Edgardo Labella alang sa paghangyo sa buhatan sa Land Transportation Franchising and Regulatory Board (LTFRB) aron temporaryong mapabalik ang pagpamasada sa mga traditional jeepneys sa dakbayan sa Sugbo.
Matod ni Councilor Cuenco nga ilang tagbu-on ang hingtungdang ahensiya alang sa maong plano.
Segon pa niini nga kung mahimo, plano nilang makabiyahe na’g balik ang mga traditional jeepneys sa buwan sa Oktubre.
Pagpasabot pa sa konsehal nga temporaryo lang nga pabalikon ang pagpadagan sa mga traditional nga PUJs gumikan kay nagdagan na usab karon ang mga modernong jeepneys, apan aduna gyuy kakuwangon karon samga pangpublikog sakyanan sa dakbayan hinungdan nga temporaryo unang padaganon ang mga traditional nga jeep.
Hinu-on aduna usa’y mga kondisyon aron matugtan kini nga makabiyahe sama sa kalidad sa mga ligid niini, makina ug uban pang gikinahanglang i-konsiderar.
Subay niini, gi-awhag usab sa opisyal ang mga operators nga i-upgrade ang mode of transportation sa ilang mga sakyanan.
Samtang aduna usay gihan-ay nga lakang ang dakbayan alang sa mga apektadong drivers. /GBS
