CEBU CITY — Gihimakak ni Cebu City Councilor Niña Mabatid ang pasangil sa kanhi empleyado niini nga si Roldan De Los Reyes nga gipugos kini nga mamaligya og ‘dressed chicken’.
Una niini, nagpatabang sa Ombudsman si Delos Reyes human kini nga gitangtang sa konsehal.
Subay pa sa pasangil ni Delos Reyes nga gigamit sa konsehal ang sakyanan sa city hall isip personal use ug gisugo kini sa konsehal nga mamaligya og ‘dressed chicken’ sa mga barangay sa Cebu North District.
Asoy pa ni konsehal Mabatid sa dihang nahinabi sa Bombo News Team nga ang sakyanan nga iyahang gigamit kay iyahang gipanag-iya.
Dugang nga usa kini ka livelihood program taliwa sa pandemic ang mga gipamaligya nga ‘dressed chicken’ sa iyang mga identified beneficiaries sa PASPAS Card program niini kiniadto.
Pagtataw pa ni Mabatid nga wala kini mi-ginansya sa manok o mga karne nga gipanghatag niini kundi gipapaulian lang ang puhonan.
Sumala pa sa konsehal nga gitangtan niini si Delos Reyes gumikan sa ‘lost of trust’.
Matud pa niini nga tapulan, alcoholic, ug mangiwentahay og trabahu ang kanhi empleyado sa konsehal. (ekp)
