CEBU CITY — Gihimug-atan ni PROBE Team Head nga si Raquel Arce nga sama sa usa ka ‘staged drama’ arun makuha ang simpatya sa publiko ang nahitabong eksina kagahapon tali sa iyang mga enforcer ug usa ka tindera duol sa Cebu South Bus Terminal.
Saysay pa ni Arce nga una na kining gibadlung ang mga tindera nga giila nga si Soledad Cordova ang bise-presidente sa United Small Vendors and Traders of Cebu City (USVTCC) sa supervisor sa terminal, duha ka adlaw ang milabay sa dihang nibalik ang operasyon niini.
Matud pa ni Arce kung tugutan sila nga maninda, sama rapud gitugutan niini ang kapin sa 300 ka vendors nga maninda balik sa dapit diin gibawal ka kini sa syudad.
Gi-imbitar pa gani ni Arce si Cordova sa iyang opisina arun ipapasabot ang sitwasyon apan nagmagahi kini.
Matud pa ni Arce nga kapila na kini nakig-engkwentro si Cordova sa mga iyang tawo ug nagmagahi gihapon kini.
Pag-angkon pa ni Arce nga nagpaabot pa kini sa guideline sa gikan sa DILG arun makabalik na kini sa pagpaninda. (ekp)
