CEBU CITY — Nagmalaumon si Cebu City Councilor James Cuenco, ang gitahasan ni Mayor Edgardo Labella alang sa pagdumala sa Balik Pasada Program sa mga traditional jeepneys sa dakbayan, nga makatabang ang pagbalik unya ug dagan sa mga PUJs aron ‘ma-decongest’ ang mga lugar nga adunay daghang pasahero.
Karong adlawa sugdan ang pag-abli sa one-stop-shop diin lauman nga ma-inspect ang pipila ka mga units diin otomatik kini nga makabiyahe kung mopasar sa evaluation.
Una na nga gihimug-atan ni Councilor Cuenco nga hinay-hinayon ang pag-proseso sa pagpabalik sa mga jeepneys ilabi na nga nagpabilin pa ang hulga sa coronavirus.
Gani mas hugot ang gipatuman nga eksaminasyon sa mga drivers aron masiguro nga luwas ang mga nahisgutan sa coronavirus.
Sa mga na-test nga drivers, nigawas nga tulo niini ang nag-positibo.
Matod ni Cuenco nga ang naasoy’ng nag-positive pulos mga ‘walk-in’ ug wala daan nagpa-rehistro. (gbs)
