CEBU – Gikinahanglan nga hangpon sa mga Pilipino ang kaugalingnan o independence sa Pilipinas bisan pa man sa daghang mga kakuli-an.
Gibutyag ni Atty. Clarence Paul Oaminal, usa ka Sugbuanong historian, nga simple lang ang barometro sa paglantaw sa kahimtang kung aduna ba’y kausaban ang nasud, usa na niini ang makita sa talad kan-anan sa matag pamilyang Pilipino.
Matud pa nga basi sa pagkaon nga mabutang sa lamesa, makita kung nakabarug ang Pilipinas gawas sa mga kamot sa langyaw. Gidugang pa niini, ang pagbotar usab sa mga kandidato, giingong ma-adunahan man o kabus, adunay grado o wala, managsusama lang ang katungod diin pagpamatuod kini sa paghangop sa mithi sa demokrasya nga nasinati sa matag Pilipino.
Nagkanayon si Atty. Oaminal nga gikinahanglan lang nga dawaton ang kasaypanan sa nasud arun nga mas hingpit nga masinati ang kaugalingnan pinaagi sa paghimo ug mga kausaban, hayan dili na subli nga mabuhat ang mga sayop sa kasaysayan.
