CEBU – Patay ang duha ka mga high value individual (HVI) sa gipahigayon nga buybust operation sa mga sakop sa Police Drug Enforcement Group (PDEG) sa Barangay Mambaling, dakbayan sa Sugbo.
Giila ang maong mga subject nga sila si ascertain “Ryan” ug John Kerlou Pojas, 22 anyos ug taga Barangay Pusok, dakbayan sa Lapu-Lapu.
Gipahibalo ni Cebu City Police Office Director, Police Colonel Josefino Ligan, sa dihang nahinabi sa Bombo News Team, nga mikabat sa upat ug tunga ka kilo sa gituohang shabu ang dala sa mga subject diin mukantidad kini ug gibana-banang dul-an sa P30 million.
Matud pa nga susama sa mga nakalabay nga dinagko nga operasyon, sa gihapon ang maong shabu ang gisulod ug mga chinese tea bag hinungdan nga gituohan ni Col. Ligan nga gikan kini sa gawas sa nasud.
Apan iyahang giklaro nga ang maong mga iligal nga drogas ang gikan sa Manila ug gisugat kini sa mga subject sa usa ka shipping lines sa Pier.
Giingong daan nang nagbani-og ang ngalan sa duha kinsang gituohan nga mga ‘hitman’. Gituohan sa mga operatiba nga gikan ang mga nasakmit nga iligal nga drogas sa Bilibid 19, usa ka grupo sa big-time drug suppliers, kansang nagserbisyo na karun sa national penitentiary sa Muntinlupa sa kaulohan.ll BJS
