CEBU CITY – Unom na ka mga kinabuhi apil na ang usa ka tres-anyos nga bata ang gikaon sa sunog sa Arlington Pond, Brgy. Sta. Cruz, Cebu City, niadtung martes sa hapon.
Nitumaw ang sunog sa moang residential area sa kapin na sa ala 1:30 sa hapon diin nadawat sa kabumberohan ang alarma sa alas 2:00 na sa hapon.
Giila ang mga patay’ng lawas sa lima nga silang Dan Henry Carvajal, 3-anyos, Andre Carvajal, 6-anyos, Felicity Sachi Carvajal, 12-anyos, Lyka Carvajal, 16-anyos, ug si Hannah Mae Carvajal, 34-anyos.
Samtang giila pa ang ika-unom nga nakuhang patay’ng lawas ug padayun pang gipangita ang usa ka missing.
Nakit-an sa mga kabumberohan nga nagtapok pa ang mga patay’ng lawas diin kasamtangan padayun ang imbestigasyon sa hinungdan sa sunog.
Matud pa ni Fire Officer 2 Fulbert Navarro, Fire investigators nga mokabat sa Fire investigators nga gibana-bana nga P11 million ang danyos sa sunog samtang dili mominus sa 10 ka properties ang apektado apil na ang mga kabalayan ug commercial spaces.
Nadeklara nga fire under control kini sa 2:25 sa hapon samtang fireout sa takna na nga 3:17 sa hapon.
Matud pa sa kapitan sa Brgy. Sta. Cruz nga si Jerome Lim nga na-trap ang mga namatay sulod sa ilang panimalay human nga wala na naka-abli sa pultahan tungod naka-lock kini.
Dugang pa niini nga gidudahang “Electrical Faulty Wiring” ang hinungdan sa sunog.
Kasamtangan nang gipahimutang ang mga nabiktima sa insidente samtang manghatag usab ang barangay og assistance alang sa mga nasunogan.
