CEBU – Bisan paman pipila na ka buwan ang nilabay human mikuso-kuso ang Bagyong Odette sa dakbayan sa Sugbo.
Padayon gihapon ang gihimong pagpanglimpyo sa mga lugar kung asa nagtipun-og ang basura ug mga debris ilabi na ang mga kasapaan sa syudad.
Atol sa eksklusibong pakighinabi sa Bombo Radyo Cebu kang Cebu City Councilor Jerry Guardo, chairperson sa committee on infrastructure, bisan paman nga nalimpyo na nila ang usa ka sapa adunna pa gihapoy mga basura nga makita ginagmay kini gumikan na usab sa mga basura nga gikan sa kabukiran.
Apan mitino kini nga ilahang gisuwayan pagmintinar ang kalimpyo sa mga sapa pinaagi sa pagdeploy og mga personnel.
Kini aron usab adunay momonitor sa basura nga anaa sa tubig ug kapugngan ang pagdaghan niini nga makabara sa agianan sa tubig ug makamugna usab og baha.
