9 ka classroom gilamoy sa kayo, P4.8-M natalang danyos

CEBU PROVINCE – Mikabat sa P4.8 million ang danyos sa nahitabong sunog sa Tubod National High School, sa Barangay Tubod, lungsod sa Minglanilla kaganihang alas 3 sa kadlawon.

Gisaysay ni FO1 Jonald Sabior, ang fire investigator sa Minglanilla Fire Station, nga 9 ka mga lawak ang totally burn, diin lima niini sa high school ug upat sa elementary.

Matud pa, mikabat sa usa ka oras ang ilahang pakigkumbati sa sunog ug gipasaka lang kini sa first alarm.

Hinuon, wala may natala nga namatay o samdan sa maong insidente.

Sa pagkakarun, ilaha pang gisuta ang hinungdan sa pag-ulbo sa naasoy nga sunog.