CEBU – Pagtangtang sa business permit ang posibling mahitabo alang sa mga imnanan nga sunod-sunod ang kagubot sa mga customer.
Gibutyag ni Cebu City Councilor Joel Garganera, Emergency Operations Center (EOC) Head, nga posibling masirad-an ang maong mga imnanan kung dili magtagad niini ang mga tag-iya.
Matud pa, sa iyahang pakigpulong sa mga bar owners, giingong mihatag kini sa ilahang ‘commitment’ nga mutabang sa pagpatunhay ug kalinaw sa syudad sa Sugbo.
Kini human ang mga nahitabong ‘rumble’ sa mga imnanan sa may Barangay Panagdait, Lahug ug sa Mango Avenue.
Nagkanayon si Garganera nga gikinahanglan nga magtinabangay ang tanan arun nga magpadayon ang kalinaw sa syudad, ug ang mga nag-operate ug mga imnanan kinahanglan nga siguradohon ang seguridad sa ilahang mga customer ug mga empleyado.
