CEBU – Gipahibalo ni Hillton Edrial, ang Listahanan Regional Field Coordinator sa DSWD 7, nga ‘busy’ ang buhatan karun sa pagdawat sa final list sa kabus nga mga pamilya gikan sa central office.
Matud pa, posibli nga sa buwan sa Oktubre karung tuiga, pormal na nila nga ilusad ang ‘listahanan databased’ tibuok rehiyon, ingon man nga ilahang ipaambit sa mga potential partners, national government agencies, Local Government Units (LGUs) ug uban pang mga stakeholders.
Gipasabot ni Edrial nga ang ‘Listahanan’ usa ka proyekto o sistema sa DSWD diin ang tumong kay makatabang sa gobyerno sa pag-identify sa mga kabus nga pamilya lukop nasud.
Sigon pa, makatabang kini sa Pilipinas nga dili ma-usik ang mga resources ug mahatag gayud ang mga hinabang ngadto sa mga hilabihan nga nagkinahanglan.
Hinuon, gitino niini nga dili tanan nga anaa sa ‘Listahanan’ kay ‘automatic’ nga malakip sa 4Ps o uban pa nga programa sa gobyerno gumikan kay aduna man kini gisunod nga criteria diin mahimong basihan sa pagpili ug mga benepisyaryo.
