CEBU – Nag-atubang og daghang kaso ang usa ka barangay konsehal sa Brgy. Mainit sa syudad sa Naga.
Kini human gawas sa kasong kalapasan sa RA 9165 o Comprehensive Dangerous Drugs Act, nipasaka usab ang Philippine Drug Enforcement Agency (PDEA-7 ) og kasong administratiba sa Ombudsman batok kang Barangay Mainit Councilor Konsehal Reynante Chong.
Una nang nadakpan sa high impact operation sa PDEA niadtong Agusto 23, 2022 human nga giingong nagmentenar kini ug drug den ug nipasuyop pa ug mga menor de edad.
Sa ekskusibong pakighinabi kang Leia Alcantara , ang tigpamaba sa PDEA-7, nagkanayon kini nga tulo ka administrative cases ang atubangon sa barangay official.
Kahinumdoman,nga girumbo sa PDEA7 ni Chong sa Barangay Maini niadtong Agosto 23 gumikan kay aduna silay nakuha nga video kabahin sa paghupot og pag-gamit sa ilegal nga drugas sa opisyal.
Gani, nakuhaan pa kini og di momenus 12 ka gagmayng pakete sa gituohang shabu ug drug paraphernalias.
