CEBU – Napasar atol sa mainitong pagtuki sa unang pagbasa sa hunta probinsiya ang proposed nga P20.15 bilyon alang sa 2023 budget sa Cebu province.
Kini ang gitino sa Committee Chairman on Budget and appropriation sa Cebu Provincial Board nga si Board Member Glenn Soco diin gawas sa 2023 budget napasar usab atol maong session ang 2023 annual investment program (AIP) sa Probinsiya nga nikabat sa P20bilyon.
Sa maong giduso nga 2023 budget, gibutyag ni Soco nga labing dakong gigahin niini mao ang Economic Services nga moabut sa 9.2 bilyon pesos, gisundan sa P8.2 bilyon alang sa social services ug laing P2.1 bilyones alang sa General Public Services.
Paglantaw pa ni Soco nga dili naman kaayo sila maproblema sa paghas-has sa gidusong budget, sanglit sa ilang obserbasyon maayo naman kini pagkahan-ay sa executive Department.
