BOHOL PROVINCE-Nailhan na sa Bohol Police Provincial Office ang duha sa unom nga nakalas sa engkwentro tali sa mga sakop 47th Infantry Battalion ug 21st Special Force Riverine Company batok sa mga sakop sa New People’s Army didto sa Sitio Ilaud Barangay Campagao lungsod sa Bilar lalawigan sa Bohol.
Ang mga namatay mao silang Jiggler Compoc nga positibo nga giila sa iyang apohan nga si Rosita Villamor ug Ruben Nabas nga giila ni Rolando Pataca ang kapitan sa Barangay Rizal lungsod sa Batuan Bohol.
Matod ni Police Lieutenant Colonel Gerard Ace Pelare ang spokesperson ni Police Brigadier General Anthony Aberin hepe sa Police Regional Office 7 nga ang pag ila sa laing upat nagpadayon pa sa pag kutlo ning balita.
Gihulagway Pelare nga tag-as nga opisyal sa Communist Terrerists Group ang na engkwentro sa nga sundalo Bilar tungod sa tag-as nga kalibre sa armas nga nakuha sama sa 5.56 rifle ug ang AK 47 rifle apan gumikan sa kamatayon sa unom dako matod pa kinig epekto sa ilang presensya sa maong lalawigan.
Gidugang ni Pelare nga base sa impormasyon nga ilang nadawat nga ang presensya sa mga armado sa Bohol mao nalang kini ang mga remnant sa NPA apan dili na organisado tungod kay nag anam na silag kawagtang.
