CENTRAL VISAYAS- Mokabat sa lima ka mga tunghaan sa Central Visayas ang gipili sa Department of Education (DepEd) isip mga pilot areas sa revised nga Kinder to 10 (K-10) curriculum.
Ang maong mga tunghaan kay ang Tindog Integrated School, San Fernando North Central Elementary School, Tabogon Central Elementary School, Dumanjug National High School ug Liloan National High School.
Sugdan ang maong pilot test karung Setyembre 25, 2023.
Ubos sa Matatag curriculum, ang Grade 1 students adunay lima ka mga subjects, ang Language, Reading and Literacy, Mathematics, Makabansa, ug Good Manners and Right Conduct (GMRC), inay nga pito, ang mother tongue, Filipino, English, Mathematics, Araling Panlipunan, MAPEH ug Edukasyon sa Pagpapakatao.
Mapuno usab ang Science subjects sa unang lima alang sa mga Grade 3 students.
Gikan sa Grade 4 hangtod sa Grade 10, adunay walo ka mga subjects, ang Filipino, English, Science, Mathematics, Araling Panlipunan, MAPEH, Technology and Livelihood Education (TLE) ug GMRC.
Ang revised curriculum kay ipatuman sa Kindergarten, Grades 1, 4 ug 7 sa school year (SY) 2024-2025; alang sa Grades 2, 5 ug 8 sa SY 2025-2026; sa musunod nga school year alang sa Grades 3, 6 ug 9; ug sa katapusang tuig sa administrasyon, SY 2027-2028 sa Grade 10.
Gitinguha sa ahensya nga hingpit nga mapatuman ang Matatag curriculum sa umaabot nga tuig 2028.
