Pipila ka indibidwal, nasikop gumikan sa pagkalambigit sa vote buying sa syudad ug probinsya sa Sugbo

CEBU CITY-Nasikop sa mga sakop sa kapulisan ang pipila ka mga indibidwal sa Sugbo, gumikan sa paglambigit sa vote buying.

Mao kini ang gitino ni Ivan Jason Delos Santos, administrative officer sa Commission on Elections (COMELEC) Central Visayas.

Gani, gibutyag sa opisyal nga bisan pa man nga wala pa silay ikalatad nga datos kabahin sa maong insidente apan adunay nadawat nga mga taho ang polling body nga mga vote-buying incidents sa probinsya sa Sugbo.

Dugang ni Delos Santos nga posibleng mag-atubang og election offense ang mga nahimong malapason sa maong lagda partikular na sa resolution no. 10946 ug ingon man mamahimong pasakaan og kaso nga mamahimong musangpot pa ngadto sa korte.