CENTRAL VISAYAS-Makadawat na sa ilang allowances ang anaa sa di mominus 46,000 ka mga magtutudlo sa Central Visayas gikan sa Commission on Elections (Comelec) human misilbi sa Barangay ug Sangguniang Kabataan Elections (BSKE) 2023.
Matod ni Atty. Lionel Marco Castillano, ang regional director sa Comelec Region 7 (Comelec-7), nga cash nga madawat sa mga magtutudlo ang ilang mga allowances.
Sa datos gikan sa Comelec-7, sa 46,821 nga gidaghanon sa mga magtutudlo, labing daghan ang gikan sa Cebu (28,329), gisundan sa Bohol (9,207), Negros Oriental (8,490), ug ang sa Siqujor (795).
Anaa sa P10,000 nga allowance ang madawat sa Chairperson sa Electoral Board (EB), P9,000 sa miyembro sa EB ug sa DESO, l ug P5,500 sa support staff.
Hinoon, ang maong mga amount kay kuhaan pa og tax.
Ang Comelec gitagaan lamang og 15 ka adlaw human sa adlaw sa piniliay sa pagrelease sa mga allowances.
