CEBU CITY-Girelibohan na isip traffic police investigator sa Naga City Police Station si Police Chief Master Sgt. Roland Bahian, kini subay sa pangangkon sa usa ka amahan nga gidali-dali sila sa pag paperma sa Pulis invistigator, bisan paman ug anaa pa sila sa emosyon ug wala sa saktung paminsar sa usa ka ‘Compromise Agreement’.
Kini ang gitino ni Police Lt. Col. William Homoc, hepe sa Naga City Police Station, nga sa pagkakarun girelibon na si bahian ug patubagon sa maong akusasyon.
Dugang pa, nga gi-deploy una ang naasoy nga pulis samtang naghuwat ang opisyal sa iyahang gisumiter nga ‘Issuance Order’ sa Cebu Police Provincial Office atul ma-assign si Bahian sa Provincial Holding and Accounting Unit.
Kini arun dili kini maka impluwensya sa ipahigayun nga imbistigasyon.
Gibarugan ni Homoc, nga walay katungud ang bisan si kinsa man nga kapulisan nga maoy mopatunga sa kasabutan sa duha ka habig ug ang bugtong buhaton lamang sa pulis mao ang pag-assist kung unsay mahimong decesion sa matag habig.
Una niini, nanawagan ug hustisya ang ginikanan ni Joshua Canceran sa kamatayon sa iyahang anak human ang amahan sa usa ka biktima nga si Klyde Morchie Rosada alyas “Balda”, nagkutlo sa iyahang kaugalingong kinabuhi gumikan sa tukmang kagoul ug kahi-ubos human nga namatay ang iyahang anak.
