CEBUC CITY-Naoya “Monster” Inoue mao na karon ang unified super bantamweight world champion human ni nga gipildi si Filipino Marlon Tapales pinaagi sa 10th round knockout atol sa ilang away didto sa Ariake Arena sa Tokyo, Japan kagahapon adlawa, Disyembre 26, 2023.
Gipatumba ni Inoue si Tapales kaduha, una sa ikaupat nga hugna ug sa ika-10 nga hugna diin nga mitugpa ang Japanese fighter og usa ka makusog nga right straight nga maoy nakapukan sa iyang kontra sa ika-10 nga hugna.
Kini hinungdan nga si Tapales napakyas sa pagbarog og balik, diin si referee Celestino Ruiz nakaabot sa ihap nga 10 sa 1:02 nga marka sa ika-10 nga hugna.
Matod pa ni Jun Migallen, sports analyst nga sama sa gipaabot walay round nga nadag-an si Tapales tungod kay nakita niini nga agrisibo si Inoue og ang estratehiya nga ge andam ni Tapales wala nakatalab sukad sa unang hugna hangtud sa ika-10 nga hugna.
Dugang niini si Tapales, ang kanhi WBA ug IBF super bantamweight world champion nga nakalahutay sa round ug nakigsangka kang Inoue sa sunodsunod nga mga hugna.
Matod usab ni Migallen, makita niya nga kumpyansa ang kampo ni Inoue nga dili makadaog si Tapales sa maong duwa.
