Tampakan, South Cotabato, mikuha sa world record nga adunay pinakadaghang nagpa-pedicure

Nakuha sa Guinness World Record ang lungsod sa Tampakan sa South Cotabato sa pinakadaghang nagpa-pedicure nga gihatag sulod sa walo ka oras.

Mokabat sa 160 ka mga nail technicians ang nisalmot diin nihatag sila og serbisyo sa 1,223 ka tawo.

Nalabwan nila ang Guinness record nga gihuptan sa Canada sukad niadtong 2015 dihang nihatag sila og 1,085 ka pedicures.

Gipahigayon kini dungan sa Tamfaken Lum’alay Festival niadtong Hunyo 15 sa iyang ika-55 nga anibersaryo.

Ang opisyal nga adjudicator sa Guinness nga si Kazuyoshi “Kazu” Kirimura mipahibalo sa maong record.

Nagpasalamat si Tampakan Mayor Leonard Escobillo sa mga misalmot aron makuha nila ang nasangpit nga record.