Gikasubo sa buhatan sa Cebu City Fire Station ang pagkalambigit sa ilahang kauban sa korapsyon human nga nangilkil og aplikante.
Kini ang nahimong pamahayag ni SFO2 Wendel Villanueva, ang tigpamaba sa Cebu City Fire Station (CCFS), nga naguol sila nga nahitabo kini ug naa sa ilahang departamento.
Gidugang pa sa opisyal, nga si Fire lnspector Roy Mat Castro, chief of the CCFS Fire Safety Enforcement Section (FSES), usa ka maayu nga kauban sa trabaho, hinungdan nga wala sila nagtuo nga mabuhat sa opisyal ang alegasyon nga gipasaka batok kaniya.
Sa pikas bahin, gitino ni Chief Superintendent Roberto Genave, regional director sa Bureau of Fire Protection sa Central Visayas (BFP-7) nga dili tugotan ang maong mga ilegal nga kalihokan, subay sa pagkasikop sa usa nila ka personnel kay giingong nangayo og kuwarta sa usa ka aplikante.
