Nagtuo ang Department of Justice nga sayo pa kaayo nga ikonsiderar nga himuong star witness si suspended Bamban, Tarlac Mayor Alice Guo batok sa mga protektor sa Philippine Offshore Gaming Operators nga ilegal nga nag-ooperate sa nasod.
Sa usa ka pamahayag, si Justice Undersecretary Nicolas Felix Ty niingon nga hangtod karon wala pa mokompisal ang suspendidong mayor bahin sa iyang kalambigitan sa POGO nga gironda sa mga awtoridad sa iyang lungsod.
Giinsistir ni Ty, dili sayon ??ang pagbutang og indibidwal ubos sa star witness tungod kay daghang rekisitos nga angayan pang tagdon.
Kung kahinumdoman, niduso og sugyot ang senado nga himuong star witness si Guo aron matudlo niini kinsa ang protektor sa ilegal nga POGO sa nasud.
Kini human ang Philippine Amusement and Gaming Corporation niingon nga usa ka kanhi Cabinet secretary ang nangamuyo kanila nga tugotan ang usa ka POGO applicant nga maka-operate.
