METRO MANILA-Gipahibalo sa Bureau of Immigration nga ang nagkadaghang mga langyaw nga adunay peke nga mga dokumento sa Pilipinas kay makonsiderar usa ka “national concern”.
Matod sa tigpamaba sa Immigration nga si Dana Sandoval, nga dugay na nilang gipasaka ang national security concern kay dili lang usa ang madakpan kaniadto ug sa miaging tuig, 10 ka mga langyaw ang ilang nasakmit, ug karong bag-o kay adunay tulo ka langyaw nga adunay Ph documents ang nadakpan.
Unang gikataho nga ang National Bureau of Investigation nakakita og 200 ka peke nga birth certificates nga giisyu sa civil registry sa Sta. Cruz, Davao del Sur, ngadto sa mga Chinese national.
Gipaambit usab ni Senador Sherwin Gatchalian, ang impormasyon gikan sa Chinese community nga mobalor og P300,000 ang presyo sa pagproseso sa peke nga birth certificates, uban sa government IDs.
Mao nga, gimando ni BI Commissioner Norman Tansingco ang individual assessment sa tanang mga biyahedor nga moagi sa Immigration, nga gipasiugda nga wala sila’y tubag sa ilang travel information.
