DUMANJUG, CEBU-Nakurat ang usa ka 14-anyos nga babaye human kini gihilabtan ang iyang kinatawo sa iyang higala nga 17-antos nga lalaki sa Barangay Calaboon, lungsod sa Dumanjug sa kasadpang bahin sa Sugbo.
Nahitabo ang maong insidente pasado alas 8 sa gabii niadtong Huwebes, Agosto 8, 2024.
Giila ang suspek sa alyas nga “Caloy” kinsa lumulupyo sa kasikbit nga barangay.
Nadakpan kini sa mga barangay tanod sa maong lugar dayon giturn-over sa mga kapulisan sa maong lungsod alas 10 sa gabii sa samang adlaw.
Ang biktima giila sa alyas nga si “Chloe” nga nagpamati og kasakit sa iyang kinatawo human mihilabot ang suspek gamit sa duha ka tudlo ini.
Sa diha diha dayon nangayo na og tabang ang biktima sa mga tanod sa maong lugar.
Gipasakahan na og kaso ang suspek pinaagi sa buhatan sa Women’s and Children’s Protection Des sa Dumanjug Municipal Police Station.
Gihuwat nalang sa mga awtoridad ang resulta sa Pink Room exam gikan sa Vicente Sotto Memorial Medical Center (VSMMC).
Matod pa sa habig sa suspek nga natintal lang kini siya sa higala nga babaye maong nabuhat niya ang maong panghitabo.
