-- ADVERTISEMENT --
BANGKOK – Gi-endorso ni Thai King Maha Vajiralongkorn si Paetongtarn Shinawatra isip prime minister, duha ka adlaw pagkahuman gipili siya sa parliyamento.
Ang pag-uyon sa hari, usa ka pormalidad diin gibasa ni House of Representatives Secretary Apat Sukhanand atol sa seremonyas sa Bangkok.
Nagsul-ob og opisyal nga uniporme ug miluhod si Paetongtarn arun sa paghatag og pasidungog sa hulagway ni Haring Vajiralongkorn sa wala pa mohatag og mubo nga pakigpulong nga nagpasalamat sa hari ug sa mga representante sa katawhan sa pag-endorso kaniya isip prime minister.
