Nisaway ang foreign minister sa North Korea human sa usa ka giplano nga pagbaligya sa US sa mga Apache helicopters sa South Korea, matud sa state media niini kaniadtong Biyernes diin nanumpa nga mohimo ug dugang nga mga lakang aron mapalig-on ang pagdepensa sa ilang nasud.
Mipahayag ang Pentagon kaniadtong Lunes nga ang US State Department nag-aprobar sa potensyal nga pagbaligya sa mga Apache helicopters ug may kalabutan sa support and logistics sa South Korea sa gibanabanang balor nga $ 3.5 bilyon.
Usa ka wala hinganli nga senior official nga nagdumala sa foreign news sa foreign ministry sa North Korea nagpagula sa usa ka pamahayag kaniadtong Huwebes nga nagsaway sa plano sa pagbaligya ingon man sa usa ka lakang sa pagpasamot sa tenson sa rehiyon, kauban ang nagpadayon nga tinuig nga pagbansay sa militar sa mga kaalyado ini.
Giakusahan sa opisyal ang Washington sa nagkagrabe nga komprontasyon sa military ingon man sa “nagsamok sa balanse sa militar ug sa ingon nagdugang sa kapeligrohan sa usa ka bag-ong panagbangi” sa rehiyon pinaagi sa pagsuplay sa mga makamatay nga hinagiban sa mga kaalyado ug mga higala niini.
