KOLKATA-Nagpabuto ang mga kapulisan sa India og teargas ug water cannon arun sa pagpatibulaag sa gatusan ka mga nagprotesta sa silangang lungsod sa Kolkat aron idemanda ang pagluwat sa usa ka taas nga ministro sa estado pagkahuman sa usa ka makalilisang nga pagpanglugos ug pagpatay sa usa ka trainee nga doktor.
Makita sa mga nikatap nga footages ang mga nagprotesta nga gipangulohan sa mga estudyante sa unibersidad milusot sa puthaw nga mga barikada nga gibutang sa ruta sa ilang pagmartsa paingon sa West Bengal state secretariat.
Ang pag-atake niadtong Agosto 9 sa 31-anyos nga doktor nakapahinabog kasuko sa tibuok nasod, susama sa kaylap nga mga protesta nga nasaksihan human sa 2012 gang-rape sa usa ka 23-anyos nga estudyante sa usa ka naglihok nga bus sa New Delhi, uban sa mga tigpangampanya nga nag-ingon nga mga babaye padayon nga nag-antos sa sexual violence taliwa sa hugot nga balaod.
