CEBU CITY- Sikop sa mga kapulisan sa dakbayan sa Sugbo ang Top 1 Most Wanted Person sa Cebu City Police Office (CCPO) sa Barangay Guadalupe ning dakbayan sa Sugbo niadtong Martes, Septiyembre 17, 2024.
Giila ang suspek nga usa ka 32-anyos og lumulupyo sa dakbayan nga adunay nakatanggong nga kaso nga Frustrated Murder ubos sa hukom sa Regional Trial Court Branch 10 sa Cebu City nga giisyu niadtong Setyembre 12, 2024.
Dugang pa, nga aduna kini pyansa nga girekomendar nga anaa sa P200,000.00.
Naaresto ang akusado pinaagi sa operasyon sa kapulisan sa Guadalupe Police Station 9 ubos sa kamanduan ni Police Major Miles Damoslog.
Kasamtangang gibalhog sa kustodiya sa istasyon sa Guadalupe Police ang dinakpan human sa pagproseso sa mga dokumento aron sa pagpresentar niini sa korte.
