CEBU CITY- Naugdaw ang anaa sa 11 ka mga panimalay sa dalan San Antonio, Sitio Saica, Barangay Hipodromo ning dakbayan sa Sugbo atol sa sunog nga nahitabo niadtong Sabado sa gabii, Septiyembre 21, 2024.
Gikataho nga ang maong sunog nagsugod sa panimalay nila ni Ricardo ug Abelita Sanchez sa alas 10:30 sa gabie sa naasoy nga adlaw.
Daling nidilaob ang maong sunog nga mikatap sa mga silingan nga panimalay nga mga light and flammable materials.
Hinungdan nga gisaka dayon sa mga ka-bomberohan sa unang alarma ang maong sunog pasado alas alas 10:42 ug na nakontrolar pasado alas 11:12 sa kagabhiun.
Gideklarar kini nga fireout pagtungtung na sa alas 11:23.
Gibanabanang anaa sa 13 ka mga pamilya o 33 ka mga indibidwal ang naapektohan.
Kasamtangang anaa sa Barangay Hipodromo Covered Court ang mga nasunugan nga mga pamilya og hatagan sa mga hinabang aron sa hingpit nga recovery niini.
