Nagpahigayon og naval drill ang China samtang ang PH nagpahigayon usab og joint maritime patrols uban sa laing 4 ka mga nasud gahapong adlawa, Sabado duol sa Scarborough shoal.
Sumala sa Southern Theater Command sa China, giorganisar niini ang naval ug air forces aron magpahigayon og naandan nga reconnaissance, mga pasidaan ug mga ehersisyo sa patrol sa dagat duol sa shoal nga gitawag sa Beijing nga Huangyan Island.
Giakusahan usab niini ang pipila ka giingong indibiduwal nga mga nasod sa gawas nga nagpasamot sa tensiyon sa gikaaway nga katubigan nga nagmugna sa kawalay kalig-on sa rehiyon.
Giingong pabiling alerto ang ilang tropa, aron depensahan ang soberanya ug maritime rights ug mipasalig sa pagmentinar sa kalinaw ug kalig-on sa gilalisan nga kadagatan.
Ang maong Scarborough shoal, gitawag usab og Panatag shoal ug ang Bajo de Masinloc anaa sa 124 nautical miles gikan sa Palawan nga nagsilbi nga tradisyonal nga pangisdaan sa mga mangingisda nga Pilipino apan tungod sa pagbabag sa mga barko sa China sa bugtong pag-abli sa lagoon sa shoal, nalimitahan ang access alang sa mga kaubang mangingisda ingon man sa ubang mga nasud.
