-- ADVERTISEMENT --
Nahimo ng miyembro sa Philippine Navy Reserve Force ang Olympic hero nga si Carlos Edriel Yulo sa ranggo nga Petty Officer 1st Class.
Diin ang two-time Olympic gold medalist kay nanumpa na niadtong Lunes sa Navy Headquarters.
Mipaambit kini og pamahayag diin mapasigarbuhon siya nga nahimong miyembro sa Philippine Navy Reserve Force, hilabi na nga wala niya kini damha.
Dugang pa ni Yulo nga ang pagsul-ob usab sa uniporme sa Navy kay mas nidugang og garbo kaniya.
Ingon man nga gidayeg ni MGen. Joseph Ferrous Cuison PN ang pagtudlo kang Yulo ug dako ang iyang pasalamat usab sa garbo nga gihatag sa atleta sa nasud.
-- ADVERTISEMENT --
