Gi-isyuhan sa House Good Government and Public Accountability Committee ang 6 ka mga opisyal sa Office of the Vice President human wala sila motunga sa mga deliberasyon sa komitiba kalabot sa imbestigasyon sa pundo sa maong buhatan.
Lakip kanila mao sila chief-of-staff Zuleika Lopez, Atty. Lemuel Ortonio, Atty. Rosalynne Sanchez, Gina Acosta, Julieta Villadelrey, ug Edward Fajarda.
Mihimo usab og mosyon si Committee chairman Manila Rep. Joel Chua tungod sa pag-isyu sa Immigration Lookout Bulletin Order batok sa 6 ka opisyal sa OVP.
Tungod niini gimanduan ang mga opisyal sa immigration nga mahimong alerto gumikan sa hulga nga mobiya kini sa nasud.
Agig tubag, ang OVP nagpadala ug position paper nga gipirmahan sa 19 ka mga opisyal niini, ang OVP niingon nga ang maong pagpangutana dili tabang sa balaod.
Nangatarungan usab sila nga si VP Sara mitambong sa deliberasyon sa House Committee on Appropriations kaniadtong Agosto 27 aron hisgutan ang gisugyot nga pondo sa OVP alang sa 2025.
Gisaway usab sa OVP ang kakulang sa usa ka tin-aw nga katuyoan sa lehislatibo o gihunahuna nga lehislasyon nga gilauman nga resulta sa mga deliberasyon.
Ang OVP niinsistir sa ilang position paper nga giingong dunay jurisdictional issue ang pag-imbitar sa mga opisyal sa OVP isip resource persons tungod kay ang adunay hurisdiksyon sa mga galastohan sa gobyerno mao ang Committee on Appropriations nga maoy unang mi-terminate sa ilang mga posisyon.
