Andam motambong si kanhi presidente Rodrigo Duterte sa quad committee hearings sa House of Representatives bahin sa extrajudicial killings, kon gani imbitahon kini.
Matud pa niini nga dili siya moatras, ingon man nga daghan siya nga ibutyag sa katawhan.
Sa pagkakaron, gipaambit sa kanhi nga wala pa siyay nadawat nga imbistigasyon, apan malipayon kining motambong arun mahatagan og tubag ug katin-awan ang mga hisgutanan kalabot sa EKJs.
Ang mga importanteng opisyal sa Duterte nga gipatawag sa quad comm hearings naglakip sa retired police colonel ug kanhi Philippine Charity Sweepstakes Office general manager Royina Garma ug police Lt. Col Jovie Espenido, kinsa mipamatuod nga adunay scheme sa pagbayad niadtong nakapatay sa mga drug suspects.
Gihagit ni Duterte ang quad comm nga ipatawag siya kay andam siyang motubag sa mga pangutana.
Dugang pa nga kung pangutan-on kini kabahin sa sinugdanan sa mga proseso kay kung unsa ang gusto nga mogawas sa baba sa kanhi kay ihatag niya kini.
Hinuon iyang gihimakak nga adunay reward scheme alang sa mga drug offend nga mapatay.
Gipasabot sa kanhi presidente nga ang iyang gihatag kay operational fund ug dili kini reward o tanyag.
Matud pa ni Duterte nga kon makatuman sila og misyon, iya lang silang dad-on sa gawas sa usa ka restaurant ug ipakaon ug pahalipayan.
