Gikatahong anaa sa kapin 70% sa mga mag-uuma ang nakaani na gikan sa mga lugar nga gilauman nga moagi ang bagyong Kristine.
Kini basi sa taho sa Department of Agriculture (DA).
Matod ni DA Assistant Secretary Arnel de Mesa, naani na sa mga mag-uuma ang ilang mga tanom sa wala pa moigo ang bagyo.
Dugang sa opisyal nga maayo gihapon ang ilang kalidad bisan pa sa sayo ug pinugos nga ani.
Basi usab sa forecast sa DA, gilauman nga 1.3 milyones ka ektarya sa humay ug mais ang maapektuhan sa pagkaguba sa maong bagyo gikan sa mga umahan sa Cordillera, Ilocos Regions, Cagayan Valley, Central Luzon, Calabarzon, Mimaropa, Bicol Region, Eastern Visayas, ug Caraga .
Diin mokabat sa 15% niini ang gikahadlokan nga madaot pag-ayo, ilabina kadtong mga umahan nga nisulod na sa 2nd o 3rd cropping period.
