LAPU-LAPU CITY, CEBU- Patay na nga napalgan sa mga rescuers ug divers ang 15 anyos nga si Sean Clinton Pedrosa karong buntag, Oktubre 25, 2024.
Una niini, gihimo ang Search and Rescue Operation sa mga sakop sa Lapu-lapu City Disaster Response Team human sa gikatahong adunay 15-anyos nga batang lalaki ang na-missing nga nangaligo sa sa baybayon sa Sitio Lupa, Barangay Punta Engaño, dakbayan sa Lapu-Lapu adlaw sa Miyerkules, Oktubre 23, 2024.
Giila ang biktima nga si Sean Clinton Pedrosa, 15-anyos nga gikatahong missing human naglangoy-langoy sa maong dapit uban sa iyang uyab.
Kasamtangang gilusad ang operasyon sa mga sa divers kinsa mihimo sa unang pag-dive nga mikabat sa kapin usa ka oras apan wala silay senyales nakita sa biktima.
Ang search and rescue operation gipangulohan ni Emeterio Bonghanoy, ang pangu sa City Environment and Natural Resources Offices (CENRO).
Kauban sa CENRO ang mga representante sa Lapu-Lapu City Disaster Risk Reduction and Management Office ug ang Philippine Coast Guard.
Gawas sa lokal nga awtoridad nga nadestino dinhi, anaa usab ang inahan ug uyab ni Sean, nga naghulat sa mga update gikan sa rescue team.
